ڕۆژی یەکشەممە، ڕێکەوتی ٢٠٢٥/٧/٢٠، بەڕێوەبەری کارگەی خشتی ئاسۆ، بەڕێز پشتیوان فەتاح عەسکەری، پێشوازی لە بەڕێز حاکم ڕەمەک ڕەمەزان، قائیمقامی قەزای چەمچەماڵ کرد. لەم سەردانە فەرمییەدا، بەڕێز قائیمقام دەستخۆشی لە کارگە کرد بۆ دابینکردنی هەلی کار بۆ گەنجانی خاوەن بڕوانامە لە سنووری چەمچەماڵ و دەوروبەری. هەروەها، گفتوگۆ لەبارەی کار و چالاکییەکانی کارگە و کێشە و گرفتەکان کرا، و بەڕێزیان بەڵێنی تەواوی هاوکاری و پشتیوانی خۆی دووپات کردەوە بۆ چارەسەرکردنی کێشەکان و پێشخستنی کارگە و ناوچەکە.