کۆمپانیای تیشک نێت بۆ خزمەتگوزاریی ئینتەرنێت/ سنوردار

کۆمپانیای تیشک نێت بۆ خزمەتگوزاریی ئینتەرنێت/ سنوردار

وەک کۆمپانیایەکی تایبەت بە دابینکردنی خزمەتگوزاریی ئینتەرنێت، سەرەتای ده‌ستپێکردنی لە شاری سلێمانی بووه‌ و دواتر لە شار و شارۆچکەکانی پارێزگای سلێمانی، هەڵەبجە، هەولێر و گەرمیان تۆڕەکانی فراوانتر کرد. هەر لە سەرەتای دامەزراندنیەوە، خێرایی تۆڕەکانی تیشک نێت یەکێک بووە لە تایبەتمەندییە بەرزەکانی کۆمپانیا، ئەمەش وای کردووە لە ماوەیەکی کورتدا ژمارەیەکی بەرچاو لە بەشداربووان بۆ خۆی بەدەست بهێنێت.
تیشک نێت لە سەرەتادا لەسەر سیستمی وای ماکس – Y MAX کاری دەکرد. پاش فراوانبوونی تۆڕەکانی، زۆربوونی بەشداربووانی و پێداویستی بۆ هەنگاونانێک کە لەگەڵ ئاستی خواست و پلانەکانی کۆمپانیادا بگونجێت، ئەوە بوو سیستمی (LTE Advance) (ئێل تی ئی)ی پێشکەوتووی وەک یەکەم کۆمپانیا لە هەموو ڕۆژهەڵاتی ناوەڕاستدا بۆ هێڵەکانی ئینتەرنێت خستە گەڕ. ئەوەی شایەنی باسە، خێرایی ئەم سیستمە چوار هێندەی خێرایی (ئێل تی ئی)ی ئاساییە.
بواری تەکنەلۆجیا و ئامێرەکان لە کۆمپانیای تیشک نێتدا هەمیشە لە نوێبوونەوە و پێشکەوتندایە، خزمەتگوزارییەکانیش بە هەمان شێوە لە گەشەسەندن و گۆڕانکاری و بەرەوپشچووندایە: سەنتەری ڕاژەی بەشداربووان هەموو ڕۆژەکانی ساڵدا بەدرێژایی بیستوچوار کاتژمێر لە خزمەتی بەشداربوواندایە، لە پێناوی پێشکەشکردنی هەموو جۆرە کارئاسانی، هاریکاری، ڕوونکردنەوە و ڕێنماییەک بۆ هاوڵاتییان.
هاوکات تیشک نێت گرێبەستی لەگەڵ کۆمپانیا جیهانییەکانی تۆڕە کۆمەڵایەتییه‌کان و سیستمەکانی پەیوەندیکردن ئەنجام داوە، بە مەبەستی پێشکەشکردنی خزمەتێکی باشتر بە کوالیتییەکی چاکتر و بەرزتر بۆ بەشداربووان. جگە لەوە تیشک نێت دەتوانێت تۆڕەکانی خۆی لە پلان و پرۆژەکانی بەسیستەمکردنی دامودەزگاکانی دەوڵەت و کۆمپانیا و بنکە فراوانەکانی وڵاتەکەمان دەستەبەر بکات.
تیشک نێت لە سەرەتای دامەزراندنیەوە هەنگاوە پتەوەکانی خۆی ئەنجام دا، هەنووکە لە گەشەیەکی بەردەوامی دروستدایە و ئاسۆی ئایندەش گەلێک ڕوونە.

ژمارەی کارمەندان: 167
ساڵی دامەزراندن: 2011

ماڵپەری تیشکنیت

پەیوەندییەکان

ناونیشان: عێراق- سلێمانی / شەقامی بازنەیی مەلیک محموود، گەڕەکی چوارچرا، تەلاری گروپی هەڵەبجە
              (ئۆفیسی هەولێر / شەقامی شەست مەتری،  تەنیشت چوارڕییانی کوڕان، گەڕەکی زانیاری)
ژمارە تەلەفون:   0350 53 331  (0) 964+

هاوڕێمان بە لە
هەرێمی کوردستانی عێراق، سلێمانی، بازنەی مەلیك مەحمود، گەڕەكی چوارچرا، تەلاری گروپی هەڵەبجە
[email protected]
0147 331 53 (0) 964+
0100 114 750 (0) 964+