کۆمپانیای بەیان بۆ وەبەرهێنانی خانووبەرە / سنوردار

کۆمپانیای بەیان بۆ وەبەرهێنانی خانووبەرە / سنوردار

کۆمپانیای بەیان یەکێکە لە کۆمپانیاکانی گروپی کۆمپانیاکانی هەڵەبجە، تایبەت بە بواری بنیاتنان و لە ساڵی 2011  دامەزراوە. لە سەرەتاوە ئامانجی دامەزراندنی کۆمپانیاکە بریتی بووە لە جێبەجێکردنی ئەو پرۆژە تایبەتانەی بواری بنیاتنان، کە ئاستێکی بەرز لە پسپۆری، پلاندانان و جێبەجێکردن له‌خۆ ده‌گرن.
هەر ئەم ئامانجەش فاکتەر بووە بۆ ئەوەی کۆمپانیاکە لە خاڵی دەستپێکردنەوە بە کۆمەڵێک ئەندازیار و کەسانی پسپۆر لە بوارە جیاوازەکانی بنیاتناندا دابمه‌زرێندرێن، کە لە ئاستی جێبەجێکردنی پرۆژە گەورە و ئاڵۆزەکاندا بن. بنیاتنان و تەواوکردنی سێ قۆناغی پرۆژەی نیشتەجێبوونی (گاردن ستی) بە 18 باڵەخانەی تایبەتەوە، لە هەر یەک لە شارەکانی سلێمانی و کەرکووک بەڵگەیەکی تەواون لەسەر پسۆریمان لە کار و گەیشتنمان بە ئامانجە بەرزەکانی پیشەگەریی کۆمپانیای بەیان. 

پرۆژەی نیشتەجێیی گاردن ستی

لە دەڤەرەکەدا بەدوای پرۆژەیەکی نیشتەجێبووندا گەڕام، کە ژینگەیەکی سەوز و کەشێکی گونجاو بۆ نیشتەجێبووان دابین بکات، بەڵام بەدیم نەکرد.
هەر بۆیە بڕیارم دا، خۆم بنیاتی بنێم.
ئاسۆ بامۆکی

لە یەکێک لە باشترین و جوانترین شوێنەکانی شاردا، پانتاییەکی زۆری سەوزایی، خزمەتگوزارییەک لە ئاستی خواست و داواکارییەکانی هەر نیشتەجێبوویەک، دەستەبەرکردنی ژیانێک لەناو ژینگە و سروشتدا، دابینکردنی زۆرینەی پێداوسیتییەکان بۆ هەموو تاک و خێزانێک: ئەمە شاری باخچەکانە، ئەمە (گاردن ستی)یە. 
بناغەی بیرۆکەی ئەم پرۆژەیە لە هەردوو شاری سلێمانی و کەرکووک بریتییە لە دەستەبەرکردنی کەشێکی ئارام، ژینگەیەکی تەندروست، سروشتێکی پاکژ لەگەڵ بەرجەستەکردنی پێشوەختی هەموو ئەو داواکاری و پێداویستییانەی کە دێنە بەردەم ژیانی تاک و خێزان، بە شێوەیەک سەرجەم نیشتەجێبووان بە تەمەنە جیاوازەکانەوە، نێوەندێکی گونجاو بۆ خۆیان بدۆزنەوە. جگە لە هەموو ئەم تایبەتمەندێتییانە، دابینکردنی هەندێک خزمەتگوزاریی بنچینەیی وەک سوپەرمارکت، یاریگە، شوێنی تایبەت بە خزمەتگوزاریی ئۆتۆمبێل، شتن و ئووتووی پۆشاک،  و چەندین بنکەی دیکەی خزمەتگوزاریی دیکە لەناو پرۆژەکەدا هەن. لە پلانەکانی ئایندەشدا بنیاتنانی دایەنگە، باخچەی ساوایان، مەلەوانگە، نۆرینگە، پیتسەریا و چه‌ندین پرۆژه‌ی دیکە دێنە ناو ڕیزی لیستی خزمەتگوزارییەکانەوە.
لە کۆی پانتایی پلانداڕێژراوی پرۆژەکە، ڕووبەری سێ قۆناغی یەکەم (A, B, C)ی (گاردن ستی)ی شاری سلێمانی کە لە ئێستادا تەواو بوون، بریتییە لە 138,667 مەتر چوارگۆشە و ڕووبەری سەوزایی 34%ی ڕووبەری گشتیی ئێستای پرۆژەکە پێک دەهێنێت. بەمەش گاردن ستی بەرزترین ڕێژەی ڕووبەری سەوزایی لەناو پرۆژەکانی دەڤەرەکەدا دەستەبەر دەکات و لەو بوارەدا پێشەنگییەکی بۆ خۆی بەدەست هێناوە.
دابینکردنی سەرجەم ئەم تایبەتمەندێتییانە لەگەڵ یەکەمین قۆناغه‌  سەرەتاییەکانی بنیاتناندا دەستی پێ کرد، ئەویش بە کارکردن لەسەر بنەمای بەرزترین ستاندەردەکانی جیهان لە پرۆسە جیاوازەکانی نەخشەکێشان، پلاندانان، بنیاتنان و تەواوکاری. ئەنجامی هەموو ئەمانەش بریتییە لە پێگەی گاردن ستی وەک دیاردەیەک بۆ پرۆژەی نیشتەجێبوون لە سلێمانی و کەرکووک و دەڤەرەکەدا.

لە گاردن ستیدا دەرگایەکی گونجاوترمان بۆ ژیان کردەوە.

ناونیشانی (گاردن ستی)ی سلێمانی: عێراق – سلێمانی /  شەقامی بازنەیی مەلیك محموود، گەڕەكی كوردسات
ژمارەی تەلەفۆن: +964 (0) 750 114 2888 /  +964 (0) 750 114 1888
ناونیشانی پرۆژەی (گاردن ستی)ی کەرکووک: عێراق –کەرکووک /  شەقامی سەرەکیی کەرکووک  –  سلێمانی
ژمارەی کارمەندان: 71
ساڵی دەستبەکاربوون: 2010
ڕووبەری پرۆژە: 181 دۆنم


پەیوەندییەکان

ناونیشان: سلێمانی،شەقامی بازنەی مەلیك مەحمود، گەڕەكی چوارچرا، تەلاری گروپی هەڵەبجە
ژ.تەلەفۆن:  8084 111 750 (0) 964+
           

هاوڕێمان بە لە
هەرێمی کوردستانی عێراق، سلێمانی، بازنەی مەلیك مەحمود، گەڕەكی چوارچرا، تەلاری گروپی هەڵەبجە
[email protected]
0147 331 53 (0) 964+
0100 114 750 (0) 964+