كۆمپانیای هەڵەبجە بۆ خزمەتگوزاری تیلیكۆم

كۆمپانیای هەڵەبجە بۆ خزمەتگوزاریی تیلیكۆم

پێویستە تۆڕەکان هەمیشە دەستەبەر بن

تیلیکۆم و بوارەکانی پەیوەندیکردن لە وڵاتەکەماندا جیهانێکی تازەیە، هەر بۆیە گەشەسەندنی ئەو بوارە و گۆڕانکارییەکان، خێراییەکی بەرچاو بەخۆیەوە دەبینێت. دەستپێکی بڕیاری چوونەناو ئەو جیهانە تایبەتەوە،‌ پێویستی بە ئامادەکاریی مرۆیی و ماددی هەیە، بە شێوازێکی هاوچەرخ کە لەگەڵ داواکارییەکانی ئەو بوارەدا بگونجێت. 
کۆمپانیای هەڵەبجە بۆ خزمەتگوزاریی تیلیکۆم HTS، لە ئێستادا یەکێکە لە کۆمپانیا چالاک و دیارەکانی ئەو بوارە،کە خزمەتگوزارییە جیاوازەکانی بە کۆمپانیاکانی تیلیکۆم و ئینتەرنێت دەگەیەنێت. بوونی پسپۆری تایبەتی ئەو بوارە، مەشق، گەشەپێدان و پێگەیاندنی کارمەندانی ستاف، سوودوەرگرتن لە ئەزموون و زانیارییەکانی دەری سنووری وڵات، بەکارهێنانی سیستمی هاوچەرخ، ئامێر، تاقیگە و تەکنەلۆجیای سەردەم کۆمەڵێک فاکتەرن بۆ ئەوەی بناغەی کۆمپانیاکە ڕۆژ لەدوای ڕۆژ بەهێزتر ببێت و پێگەی خۆی لەو بوارەدا فراوانتر و پتەوتر بکات.
لەسەر بنەمای دروشمی کۆمپانیا:  (پێویستە تۆڕەکان هەمیشە دەستەبەر بن) کار و چالاکییەکانی کۆمپانیا خۆی لە دابینکردنی سووتەمەنی، نۆژەنکردنەوە و چاکسازییەکی پلانداڕێژراو و بەردەوامدا ده‌بینێته‌وه‌ لە هەر یەک لە بوارەکانی تیلیکۆم، میکانیک، کارەبا، شارستانی و ساردکردنەوەدا. هەموو ئەم کارانەش لە خزمەتێکی بیست و چوار کاتژمێریدا بەدرێژایی ڕۆژەکانی ساڵ بەرجەستە دەکرێن.
سنووری کار و تواناکانی کۆمپانیا ته‌نیا لە بواری خزمەتگوزاریدا نەوەستاون، بەڵکوو هەنگاوی ناوە بەرەو ئەنجامدانی کاری بەڵێندەرایەتی لە بنیاتنانی سایتەکانی بواری تیلیکۆم کە بەستنی تاوەر، دانانی کابینە و مووەلیدە و جێبەجێکردنی کارەکانی دیکەی بواری کارەبایی و شارستانی و گەلێک چالاکیی دیکە لەخۆ دەگرن.
چالاکیی کۆمپانیا لەو بوارانەدا هۆکارێک بووە بۆ ئەوەی بتوانێت لە دابینکردن و دەستەبەرکردنی کەرەستەی پێویستی ئەو بوارەدا کار بکات و لەگەڵ چەندین کارگە و کۆمپانیای بەناوبانگی جیهانی پەیوەندی ببەستێت و گرێبەست بۆ دابینکردنی کەرەستەی کوالیتیی بەرز لە بواری تاوەر، میکانیک، کارەبا و ... هتد جێبه‌جێ بکات.
هەموو ئەم خاڵانەی سەرەوە و ئەزموونی چەندین ساڵ، فاکتەرێکن بۆ ئەوەی کۆمپانیا بتوانێت لە بواری ڕاوێژکاریی تیلیکۆم و کارەبادا کار بکات و سەرپەرشتیی داڕشتنی پلانی کورت و درێژخایەن بۆ پرۆژە ستراتیجییەکان بکات.
لە ئێستادا کارەکانی کۆمپانیا لە بەشێکی عێراق و بەتایبەتی پارێزگاکانی سلێمانی، کەرکووک و دیالەی گرتۆتەوە و نزیکەی 400 کارمەند لە پۆست و ئاستە جیاوازەکاندا کار دەکەن. لەو پرۆژە دیارانەی کە کۆمپانیا لە سەرەتاوە هەتا هەنووکە کاری لەسەر کردوون بریتین لە: پرۆژەی چاکسازیی سایتەکانی کۆڕەک تیلیکۆم بە گرێبەستێکی درێژخایەن، دابینکردن و دروستکردنی سایتەکانی کۆڕەک تیلیکۆم، دانانی سیستمی 3G سەر بە کۆمپانیای ئێریکسۆن (Ericsson) و چەندین پرۆژەی دیکە.

ساڵی دامەزراندن: 2012
ژمارەی کارمەندان: 398

پرۆژەکانی کۆمپانیاکە

Detail

كارگەی ئاران یەكێكی ترە لە كۆمپانیا ستراتیجیەكانی گروپی هەڵەبجە لەساڵی (2006) دامەزراوە. دەكەوێتە هەرێمی كوردستان / لەناوچەی قەرەگۆل ،(35كم)ی باشوری خۆرئاوای شاری سلێمانی، لەسەر رێگای عەربەت- دەربەندیخان، كارگەكە و بەشەكانی لەسەر پارچە زەوییەك بنیادن


پەیوەندیەکان

گروپی هەڵەبجە
هەرێمی کوردستانی عێراق، سلێمانی، بازنەی مەلیك مەحمود، گەڕەكی چوارچرا، تەلاری گروپی هەڵەبجە
 [email protected] 
 ژ.تەلەفۆن:00964533310147
 00964533310148             

هاوڕێمان بە لە
هەرێمی کوردستانی عێراق، سلێمانی، بازنەی مەلیك مەحمود، گەڕەكی چوارچرا، تەلاری گروپی هەڵەبجە
[email protected]abjagroup.com
0147 331 (053) 964+