كارگەی ئاسۆ بۆ وەبەرهێنانی خشتی سوور و قرمید

كۆمپانیای هەڵەبجە بۆ بازرگانی گشتی

سامانی سەرەکیمان متمانەی ئێوەیە بە بەرهەمەکانمان

کارگەی ئاسۆ بۆ بەرهەمهێنانی خشتی سوور، بە یەکێک لە کۆمپانیا ستراتیجییەکانی گروپی کۆمپانیاکانی هەڵەبجە هەژمار دەکرێت. لە شوێنێکی ستراتیژیدا نزیک بە قەزای چەمچەماڵ / پارێزگای سلێمانی، لەسەر ڕووبەری 210,000 مەتردووجا بنیات نراوە.
مەبەستی سەرەکیی بیرۆکەی ئەم پرۆژەیه‌ بریتی بوو لە بنیاتنانی کارگەیەک، کە بتوانێت لەسەر ستانداردێکی جیهانیی باوەڕپێکراو چەندین جۆر خشتی سوور بەرهەم بهێنێت، لە قۆناغێکدا کە ناوچەکە هەڵمەتێکی بنیاتنانی چڕ بەخۆیەوە دەبینێت. توانرا لە ڕێگای بەکارهێنانی تەکنەلۆژیایەکی پێشکەوتوو و مۆدێرنەوە ئەم بیرۆکەیە بخرێتە بواری جێبەجێکردن، بە شێوەیەک کوالیتیی بەرهەمی کارگەکە لە بەرگەگرتنی کەشوهەوا جیاوازەکانی ناو وڵاتدا، ئاستێکی یەکجار بەرزی به‌ خۆوه‌ بینیوه‌ و ناوبانگێکی باشی لەناو بازاڕی ناوخۆی کوردستان و عێراقدا بەدەست هێناوە.
هەروەک چۆن پێشەنگ بووین لە داهێنان و بەرهەمهێنانی خشتی جۆراوجۆر بەپێی ویستی تەلار و باڵەخانەکان، بەهەمان شێوە لە ژینگەپارێزیشدا پێشەنگین. ڕوانگەی کارگە بۆ پاراستنی ژینگە لە بەکارهێنانی کەرەستە سەرەتاییەکان، شێوازی بەرهەمهێنان، بڕی وزەی بەکارهێنراو لە بەرهەمهێنان و پێگەی جوگرافیی کارگەکەدا بەرجەستە دەبێت: ئاوێتەیەکی تایبەت بۆ تەواوکردنی هەنگاوێکی نزیکتر لە ژینگە.
قەبارەی بەرهەمهێنانی ڕۆژانەی کۆمپانیا لە ئاستێکی وەهادایە، کە بتوانێت بەشێکی گەورە لە پێداویستییەکانی ناوخۆ و دەرەوەی کوردستان پڕ بکاتەوە و بتوانێت خشتی بەرهەمهێنراو بۆ بازاڕی زۆرینەی شارەکانی ناو وڵات دەستەبەر بکات. هاوکات کۆمپانیا نەخشەڕێگایەکی نوێی بۆ دەوڵەمەندکردنی جۆرەکانی خشتی بەرهەمهێنراو کێشاوه‌ و لە ئایندەیەکی نزیکدا بەرهەمی خشتی تایبەت بە شۆستەی شەقام و گۆڕەپانەکان دەخاتە ناو بازاڕەوە.

ژمارەی کارمەندان: 209
ساڵی دامەزراندن: 2005
ڕووبەری کارگە: 210,000 مەتر دووجا
توانای بەرهەمهێنان: 1200 تەن لە ڕۆژێکدا

پرۆژەکانی کۆمپانیاکە

Detail

كارگەی ئاران یەكێكی ترە لە كۆمپانیا ستراتیجیەكانی گروپی هەڵەبجە لەساڵی (2006) دامەزراوە. دەكەوێتە هەرێمی كوردستان / لەناوچەی قەرەگۆل ،(35كم)ی باشوری خۆرئاوای شاری سلێمانی، لەسەر رێگای عەربەت- دەربەندیخان، كارگەكە و بەشەكانی لەسەر پارچە زەوییەك بنیادن


پەیوەندیەکان

ناونیشان: عێراق - سلێمانی / تەکیە
  +964 (0) 750 108 0001/  +964 (0) 750 108 0002

هاوڕێمان بە لە
هەرێمی کوردستانی عێراق، سلێمانی، بازنەی مەلیك مەحمود، گەڕەكی چوارچرا، تەلاری گروپی هەڵەبجە
[email protected]
0147 331 (053) 964+